Diary of saloni Jhttp://salonii.rediffiland.com/Diary of saloni Jen-usIk vakt aisa bhi tha ..........Ik vakt aisa bhi tha darmayaa....
zindagi ka zaykaa alag saa tha
muskaan ke moti ghulte the nazro me
yeh khel-e-nigaah hume mehfil me tanha kar dete
aisi bekhudi se hum tauba kar lete
vaado me zindagi jhalkati kal wali

Ik vakt aisa bhi tha darmayaa.....
baato me, khwahishe uski khwaab ban jaate the mere,
haatho ki chhuan se masle sulajh jaate saare,
hum me kuch, mujhsa us sa naa tha,
hum the ....kya yahi kuch kam tha.
rehguzar naa sai the humsafar,
raahen judaa sai the humraahi,
faaslo pe kismat sai the aabad.


Ik vakt aisa bhi aaya tha darmayaa.......
aur ab yeh alaam hai ki
khamoshi hai mulaqaato me,
sawaal hai jazbaato me,
aur yaadein bas ho rahi hain bayaa adhure alfaazo me,
wafaao ko sahil naa mila

Rahaato me ab asar naa raha,
naa falsafo me sukoon,
palko me aansu hai gujishta ke,
na manzoor mohabbat ka keh lo ise kasoor,
arzoo ki dulhan naa hui ruksat kabhi dil-o-dar se,
aur hum samjhe ki .....pichli raat ke musafir ki manzil abhi hai thodi aur door.

]]>Sat, 24 May 2008 17:50:49 +0530http://salonii.rediffiland.com/blogs/2008/05/24/Ik-vakt-aisa-bhi-tha.htmlBas Ik Pal

Bas ik pal

Bas ik pal ki baat hai

Baaki sab kuch tere intezaar me,humne kiya khaak hai

Neendo ka kaafila modha hai adhkhuli aakhon me

Tere aks ko dekha hai ajnabiyon ki parchaiyon me

Yaadein, jo kabhi na bani, tere-mere beech

Baatein, jo maine kabhi na kahi tujhse

Is ik lamhe me tabdeel ho jaayengi

Nazro ka jadoo doguna ho jaayegi

Mujh par jab padegi teri nazar

Tere hosh udaa dega, mujhe us pal sabse haseen bana dega

Woh pal

Sapno ko hakikat kar dega bas ik pal

Saare puraane hisaab chuka dega yeh pal

Kai muddato se kuch bakaya tha tujhpar

Jyaada kuch nahi.............

Kuch geet gungunaye the

Kuch afsaane humne bhi hawaao sang akele gaaye the

Adaayen kuch apni aaine ko dikhaayi thi

Tera naam lekar kisi aur ko bulaaya tha

'Kuch nahi' keh kar ek aur raaz dil me dafnaaya tha

Bas yun hi armaano ki gatri sirhaane rakhi thi

Jaise bewaa khudko roke hai shingaar se

Saanjh hone pe jaise surajmukhi mukh mod let hai aaftaab se

Jaise chakor aksar ruth jaaye hai itraate chaand se

Usi tarah, jee usi tarah

Khud ko roka hai humne

Un khamosh tamanno ko sisakne se

Un hataash umeedo ki kaayi ko dil me jamne se

Un aakhon ko kal ki jhooti chamak se chundiyaane se

Us jhoote pyaar ki sacchi chubhan se

Lekin ab nahi, bas aur nahi

De de ik pal.........................

Zindagi samet lenge

Hasraato ko naa mumkin jaan lenge

Tasveere jo banai thi tere sang, unka rang matmaila kar denge

Naa ho yeh kisi rang se rangeen, iski jamaanat le lenge

Palko pe jahan sapno ki pariyon ka dera hai

Use nesthanabudh(tabah) kar denge

Aaine me nihaare hai mujhe tu

Sawarte hue hue mujhe gudgudaye hai tu

Yeh bharm ko khatam kar denge

Aaina chupaa denge

Nahi, use chaknachoor hi kar denge

Kuch toh hoon, kuch naa ban saki toh kya

Is khayaal se khudko behle lenge

Kehte the aksar hum.........

Kabhi alvida na kehna

Aaj haste hue tujhe rukhsat kar denge

Naa aaye ilzaam tujhpe sangdil hone ka

Is khaatir hum, bheegi palak me bhi muskura denge

Haath kabhi jo socha tha, sekenge teri hatheliyon ki tapish se

Aaj uski garmayish ko sulagte hue angaaro ka naam de denge

Naa aaye yeh baatein phir se jehan me

Isliye hum shayri chod denge

Ho jaaye hum tujhse door

Is khaatir hum dil bhi kisi aur se laga lenge!!


]]>Tue, 07 Aug 2007 12:37:41 +0530http://salonii.rediffiland.com/blogs/2007/08/07/Bas-Ik.htmlIshq ki AanchIshq hai isliye thand se jal gaye hain hum,
Ishq hai isiliye is tapish se bach gaye hain hum,

Mausam aisa rumaani hai ki ,
Dekho zara..... chaand ko khyaal aaya apne mehboob ka,
Sochta hai chaand woh kise take apne sanam ko yaad karte hue,
Dhoond raha hai chaand hamari nazaro me apne sanam ko.

Chaand udaas ho jaata hai,
Jab aks use apne sitamgar ka nahi dikh paata hai,.

Raat aati hai khwaabo ka kafila leke hamare dar pe,
Raat hoti hain din aksar hamare khwaabo me ab.

Kohre me mil rahe hain nishaa kisi parda nasih ke,
Undekhi mazile kai mil gayi milate hue kadam.

Ik haseen shaam ke intezaar me,
Doobe hain hum deewane,
Ye dostii,
Ye maraasim,
Ye chaahatein,
Ye intezaar,
Yeh hothon me jo chupaa rakha hai maine ikraar,
Kabhi kabhi ye sab kuch ajib lagtaa hai,
Kaash ......woh shaam hume jald mil jaaye,
Kaash....ishq ki aanch hume chuu jaaye!!
]]>Tue, 29 May 2007 21:22:03 +0530http://salonii.rediffiland.com/blogs/2007/05/29/Ishq-ki.htmlKhamoshiyaan hai darmayaanKisi ne sikha di khamoshi is kadar ke hont sil se gaye,
Kuch baya karte toh ho jaati rusvaiyaan,

Nazaro ke woh saamne nahi is cheez ka harzana woh kya...
Humne chukaya hai, in askho ko rukhsaar se dhalkalne se bachaya hai,

Nishaaniyaa hai darmayaa phir bhi faasla hai kitna,
Shabado se ise mitaana hai,
Unhe dil ke aur kareeb laana hai.

Roobaroo toh honge nahi... ..
Yeh vaada tha unse,
Nazre chura jaaye unse,
Yeh toh hoga naa humse.


Socha tha samjh jaayenge woh dil-e-tishnagii ko,
Woh hume samjhe na sahi,
Is baat ka bhi koi gam nahi.

Lahu ki zaroorat nahi jeene ke liye,
Uski ik aahat hi kaafi hai,
Is viraane me roshni ke liye,
Dil doobta jaa raha hai tanhai ke sailaab me,
Kaafi hai ik saahil har tooti hui aas ke liye!!
]]>Fri, 23 Mar 2007 19:10:43 +0530http://salonii.rediffiland.com/blogs/2007/03/23/Khamoshiyaan-hai.htmlGujishtaKarvaa guzar jaate hain,
Zindagi ke kuch lamhe,
Chand alfazo me simat jaate hain.

Dil ki teh se utarkar,
Seedhe kaagaz par dastaan ki tarah fail jaate hain,
Daastaa aisi jo,
Vakt ki silvato ko mitati chali jaati hai,
Jin galiyo se guzre the kabhi,
Unka kotuhal seene me dafna jaati hai.

Anjaane chehro ki bheed me jaan pehchaan badati hai,
Mile the kabhi kisi mod pe yeh ehsaas dilaati hai.

Yeh sard ehsaas apne hi gujishta se vaakif karaate hain,
Un siyaah raato ko yaad karte hue,
Rukhsaar par ashk chale aate hain.

Shab-e-intezaar ki kashmakash me apni hi dhadkano ko aazmate hain,
Jaan ne ke liye apni ehmiyat kai raate aakhon me guzarte hain.

Alfazo ki jadoogari samjhe wahi jo maajhi hai inka,
Baaki sabko toh yeh dimaag ki karigari nazar aati hai.


]]>Wed, 21 Feb 2007 13:50:58 +0530http://salonii.rediffiland.com/blogs/2007/02/21/Gujishta.htmlCome walk with me someday
Rainy season.............this is what i always yearn for. It is winter now but i really am waiting for the Rain God to bless us. This poem of mine was written in the rainy season when i was walking by the beach all alone, thinking about someone not in my life. For the person i have never met, only seen in my dreams. But then dreams do exist..............ok stop. So people introducing you to my dreamy avtaar.I know its hopeless but please bear with me. writing poems or anything readable is simply not my forte. I just scribble and these are my random thoughts which i am sharing with you all.

Come walk with me someday,
I will feel lucky just by being with you.

Come walk with me someday,
My hands yearn for your warm caress.

Come walk with me someday,
My fingers wanna hold you forever.
I dont want to leave them for a moment ohh........ never

Come walk with me someday,
As I want to play match-the-steps on the patches left dry.

Come walk with me someday,
I wanna leave footprints on the sand beneath,
Which will represent the short time we spent together,
the time which will evade once there is a gush of tidal waves,
but while making the footprints what will not evade is the sand on our feet,
Which will represent our memories,
this will remain forver deep in my heart .

Come walk with me someday,
As I wanna share some sweet nothings.

Come walk with me someday,
I wanna rest my head on your shoulders.

Come walk with me someday,
I wanna tell you something i have never said.

Come walk with me someday,
I wanna sit and just wander in ur eyes.

Come walk with me someday,
I want you to hold me if i stumble while walking.

Come walk with me someday,
I wanna share the same umbrella with you.

I wanna get drenched by the raindrops
or
your LOVE !!



]]>Fri, 15 Dec 2006 12:30:58 +0530http://salonii.rediffiland.com/blogs/2006/12/15/Come-walk-with-me.htmlAe Mere Raat Ke Humsafarhttp://sahilosophy.rediffiland.com/scripts/xanadu_diary_view.php

Khuli kitaab hai teri zindagi mere saamne,
Phir bhi kuch ajnabi sa tu lage har baar,
Nahi roobaro mere, aakhiyo me kaise taaku,
Kaise dhoondu koi darr judaai ka,
Milne se pehle ki judaai shayad sahi naa jaayegi,
Yeh amaavas ki siyaahiyan kisi chandni se roshan nahi ho paayengi,
Baawre se rog ne jhakda hua hai hume,
Par taqdeer aabad si lagti hai,
Haath pakad le, baitha le mujhe apne paas,
Shab-e-intezaar ki kashmakash kuch kam hogi,
Heena ka rang doguna ho jaayega teri ik chuaan se,
Ghadi pe nazar nahi jaayegi,
Vakt ruk sa jaayega hamare milan ki bella me,
Par bebasi ke sailaab me hoon main,
Raat ka safar yeh kaise katu tanha main,
Ae raat ke mere humsafar bata mujhe,
Kya karu is saji hui mehfil ka,
Is saje hue pyaar ke aashiyaane ka,
Ke tu nahi mere roobaroo,
Ke tujhe paane ki phir bhi hai mere dil ko zutzjoo....
Hai is baawre man ki yehi aakhri aarzoo!!



]]>Fri, 17 Nov 2006 16:44:59 +0530http://salonii.rediffiland.com/blogs/2006/11/17/Ae-Mere-Raat-Ke.htmlKahin yeh pyaar to nahikisi ki yaadon me kho jaana
kisi ke khyaal se dil ka sihar jaana
kisi ki ek aahat se chauk jaana
kahin yeh pyaar to nahi?
nahi yeh pyaar to nahi ho sakta na.

kisi ki aakhon me apni duniya simat te dekhna,
kisi ka chehra har chehre me dekhna,
kisi ke haathon ki lakiro me apna mustakbil dekhna,
kahin yeh pyaar to nahi?
nahi yeh pyaar to nahi ho sakta na.

kisi ke aagosh me hosh kho dena,
kisi ki saadai har taraf sunai dena,
kisi ka aks aaine me dikhai dena,
kahin yeh pyaar to nahi?
nahi yeh pyaar to nahi ho sakta na.

apni har baat me usi ka zikr paana,
tanhai me uske khyaalo me khudko uljha hua paana,
bheed me khud ko tanha paana,
apne haatho ki lakiro me uske hi nishaa paana,
kahin yeh pyaar to nahi?nahi yeh pyaar to nahi ho sakta na.

kisi ka ajnabee hote hue bhi apna-sa hona,
sab kuch hote hue bhi ek sunapan hona,
kisi ki aawaz sunte hue apni raatein kaatne ka dil hona,
kisi ke itne paas hona ki sabse doori ka ehsaas bhi na hona,
kuch kehna chaahte hue bhi kuch na keh paana,
aur kehte-kehte kuch aur hi keh jaana.

Ishh... yeh main kya keh rahi hoon,
kahin yeh pyaar to nahi?
nahi-- pata nahi-- shayaad-- ho sakta hai
par agar yeh pyaar nahi to yeh kya hai,
agar aapko pata chale to bataiega zaroor-e-huzoor!!]]>Thu, 26 Oct 2006 16:21:30 +0530http://salonii.rediffiland.com/blogs/2006/10/26/Kahin-yeh-pyaar-to.htmlSaahilSamandar ki gehrai,
Mere dil ki tanhai.
Yeh khalipan, yeh sunaapan,
Yeh chuppi, yeh siyaah rang,.
Jodta hai mujhe iske sang.

Khalipan kisi bevaa ki maang,
Sunaapan kisi marusthal ki banjar zamii,
Chuppi kisi kabristaan ka sanaata,
Siyaahiyaan kisi amavas ki raat me chaayi kaali ghata.

Samandar me kashti jaise,
Sehra me nakshitaan.
Kashti kahe maujo se,
Hawaao ko mat badhao,
Mujhe tum mat hi sataao.
Maajhi ho tum mere,
Mujhe mere saahil tak pahunchao.

Behkaati hain mujhe uski ravaaniyaan,
rangeen manzar se jhalke khoob saari kahaaniyaan.
lehro ka paani aakhon pe padkar,
Sapne dhundla jaata hai,
Jaise khud apni hi had bhool jaata hai.

Kinaare lehro ko toh vaapis lauta diya karte hain,
Par kashti ko toh mukaam de diya karte hain.
Kashti ka mukaddar hai sahil,
Lehre toh hain bas samadar me shaamil.

Karvato me lehro ki haar hai,
Naye musafiro ko le jaane me kashti ke jeewan ka saar hai.
Khair ab toh dosti kar li hai in maujo se,
Pahunchayengi manzil tak kaha hai inhone vaade se.

Bandishe paar karke milega kinaara,
Chamkega hamari bhi kismat ka sitaara.

Katra-katra aage badte hain hum,
Aanewali musibato se nahi darte hain hum,
Ik junnu hai, tamanna hai, aarzoo hai,
Lehro ko cheer jaane ki zustzjoo hai,
ya phir tishnagi hai ya phir zindagi hai!!
]]>Thu, 26 Oct 2006 16:19:31 +0530http://salonii.rediffiland.com/blogs/2006/10/26/Saahil.htmlAgar Mujhe Tumse Pyaar NahiThis particular poem will always remain close to my heart coz this was my first poem which i wrote nearly 2 years back.

Agar mujhe tumse pyaar nahi,
To kyon tumhari yaad mujhe satati hai,
Aati hai aur simatkar tumhi me kho jaati hai,
Kyon khyaalon par harvakt tumhara pahra rehta hai,
Aur is dil ko tumhare pyaar ka aasra rehta hai,
Tumne to kiya pyaar ka ikraar kai baar,
Maine kiya inkaar aur hui mere dil se meri takraar,
Tum ise na janoge kyonki jaan tum mujhe na samajh paoge,
Tumhe lakh samjhaya na karo mujhpar aetbaar,
Tumne kaha kaise na karu jab pyaar hai tumse har baar,
Intezaar... yeh ehsaas jitna sunne me acha hai,
Utna hi karne me bura hai,
Tum rehte ho harvakt tanhai me;tanhai ke saath,
Yeh tanhai tumhe mili hai meri mohabbat me saugaat,
Pehle main tumhe jaanti thi ab pehchanti hoon,
Tumhari jubaan kuch nahi kehti,
Par tumhari aakhen har baar ek unsuna fasaana bayaa karti hain,
Main jan kar anjaani nahi hoon,
Main tumhari kabhi ho sakne wali kismat suhaani bhi nahi hoon,
Mushkil hai bahut mushkil chaahat ko bhula dena,
Asaa nahi yeh aag bhuja dena,
Uljhan aur kuch nahi par hum tumhe na bhula paayenge,
Mumkin to nahi par tum hame bhula dena!!]]>Thu, 26 Oct 2006 16:07:38 +0530http://salonii.rediffiland.com/blogs/2006/10/26/Agar-Mujhe-Tumse-Pyaar.html